Papunësia në Shqipëri është rritur në tremujorin e parë të këtij viti, duke shënuar për herë të parë pas 2 vjetësh tendencë në shtimin e numrit të të papunëve, e pas minimumit prej 11.2% që arriti në fund të 2019-s.<br /><br />Instituti i Statistikave raporton se në periudhën Janar-Mars papunësia rezulton të jetë në nivelin 11.4 %, duke pësuar një rritje me 0.2% krahasuar me Dhjetorin e vitit 2019.<br /><br />Numri më i madh i personave që kanë humbur punën është në sektorin e bujqësisë, të ndjekur nga industria dhe shërbimet.<br /><br />Në total efektin më të madh e ka dhënë muaji Mars për shkak të mbylljes së shumë aktiviteteve ekonomike si pasojë e pandemisë.<br /><br />Në muajin Mars janë shtuar zyrtarisht 2.252 të papunë, ndërsa sipas të dhënave të raportimit nga sistemi i sigurimeve shoqërore deri në fund të Majit, numri i të papunëve gjatë periudhës së pandemisë ka arritur në 40 mijë.<br /><br />Edhe paga mesatare në sektorin privat është ulur me 500 Lekë të rinj, ndërsa në administratën publike rezulton të jetë rritur me 800 Lekë.<br /><br />Profesionet më të paguara vazhdojnë të mbeten aktivitetet financiare, ndërsa paga më e ulët shënohet në sektorin e bujqësisë dhe peshkimit.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
